مافيش مستحيل - مقال محمد محمود

من الأخر ما فيش شئ اسمة مستحيل طالما استعنت بالله 
احنا اللى بنحط العائق دائما امامنا ونعتقد ان الظروف هى السبب
نعتقد ان النصيب والقدر هما السبب فى وقف الطموح والارادة 
وفى النهاية نقول ما فيش نصيب احنا ربنا قفلها فى وشنا 
ولا نعلم ما يخبئه لنا القدر والنصيب اذا سعينا الى الرزق والعمل 
كن على ثقة دائما عندما تسعى الى فعل شئ بأرادة الله وحدة 
وقدرة منك على تخطى الصعوبات فإن الله لن يخزلك وسيقف معك 
لأن الله عز وجل يعطى كل شخص على قدر سعية للهدف وايمانه

والله ما فى شئ اسمة مستحيل فى حياتنا 
بس للأسف احنا بنرضى بأقل شئ وبنقول نصيبنا
من وجهة نظرى كلمة نصيبنا هى التى تدفعنا دائما للفشل
لأننا نعتقد اننا سناخد نصيبنا سواء عملنا او لم نعمل 
نعم الرزق بيد الله وحدة ولكن مع العمل والسعى والعبادة 

نعم مع العمل والسعى نرتقى بانفسنا ونرتقى بديننا ونرتقى بوطننا
نعم نرتقى كى نتقدم ونعلوا كفانا تأخر فى مجتمعاتنا الاسلامية 
فلقد سبقنا الغرب بألاف السنين برغم اننا نمتلك امكانيات بشرية 
تجعلنا نتفوق على اى كان فى جميع المجالات 
( الدينية والسياسية والأقتصادية والفنية والعلمية )
نريد حقا ان نشق طريقنا بأنفسنا دون ولاية من أحد علينا 

كفاية نخلى غيرنا يفكر و يخطط و يقرر و ينفذ 
و احنا بنتفرج و نصقف له ونفرح باكتشافتهم وتقدمهم 
ونحزن على خيبتنا اللى احنا مش بنحس بيها غير متأخر 
بجد حرام محتاجين نبتدى نفوق ونعرف ان احنا لن الحق ننتج زى غيرنا
نتقدم زى غيرنا نساعد فى قيادة العالم مثل غيرنا من الدول الاخرى

بس محتاجين حاجة واحدة بس كى نصل لهذا الامر 
اللى هى القوة الذاتية والشخصية والشعبية 

................. وقوتنا لن تأتى الا بوحدتنا ...................

انسوا خلافتكم الشخصية ايها الشعب الواحد 
انسوا خلافتكم الشخصية ايها الأمة العربية 
انسوا خلافتكم الشخصية ايها الأخوة فى الوطن 

أحنا مش عايزين ثورة تعطل مسيرتنا مرة اخرى لا 
مش عايزين معارك خاسرة تؤثر على المسار لا 
مش عايزين غير ثورة على النفس للتغير للأفضل
مش عايزين غير معركتك مع نفسك انت وبس 
لو كل واحد فينا غير نفسة مش هايبقى فى شئ سيئ فينا 

وتذكروا قول  الله عز وجل 
( إن الله لا يغير ما بقوم حتى يغيروا ما بأنفسهم )