سبحان الله فى ناس بتحب تعمل الحرام
وبتكون سعيدة وهى بتعمله لأنها عايزة كدا
وفى نفس الوقت لا يقبلون بأن الحرام يتعمل فيهم
او معاهم بأى شكل يهز كيانهم او شخصيتهم
انا عارف ان فى ناس نفوسها ضعيفة
وعارف كمان ان النفس أمارة بالسوء الا من رحم ربى
بس اللى مش قادر اوصل له احنا طريقنا بنرسمه ازاى
احنا بنتعلم الشئ السيئ من الاخرين ونترك الشئ الطيب
احنا بعضنا بيعتقد ان الحياة لن تنتهى الا عندما نهرم ونشيب
برغم ان الموت بيجى فجأة بدون ترتيب او أشعار بقدومة
بس الحياة جميلة وقيمتها رائعه لأننا عايشينها مش شايفين غيرها
والأخرة او حياة البرزخ هى الباقيه لنا ان كنت هاتعيش سنة
او اتنين او عشرة او مائة مش هايكون مثل حياتنا فى الأخرة
فكما قال النبى الكريم
(اعمل لدنياك كأنك تعيش أبداً واعمل لآخرتك كأنك تموت غداً )
بس الاهم انى اعمل الصح اللى انا مقتنع به
دون املاء من احد او ضغوط تجعلنى اقع فريسة للخطأ
0 تعليقات